Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xuño de 2017.) |
Warner Bros. Records | |
---|---|
Compañía nai | Warner Music Group |
Fundado en | 19 de marzo de 1958 |
Fundador | Jack Warner |
Distribuidoras | Warner Bros. Records (nos Estados Unidos) Warner Music International (fóra dos EEUU) |
Xénero(s) | varios |
Orixe | Estados Unidos |
Localización | Burbank (California) |
warnerbrosrecords.com | |
Warner Bros. Records é un selo discográfico estadounidense. Trátase do primeiro selo do que é coñecido como o Warner Music Group, e opera como unha subsidiaria desa corporación. Mantén unha pechada relación co seu antigo parente, Warner Bros. Pictures, aínda que as dúas compañías son de propiedade independente. Rob Cavallo é o actual presidente da compañía. Warner Bros. Records foi fundada orixinalmente en 1958 como a división de gravación musical do estudio de cine Warner Bros. Pictures. Durante a meirande parte da súa existencia foi un dun grupo de etiquetas posuídas e operadas por corporacións matrices máis grandes. A secuencia de compañías que controlaban Warner Bros. e os seus selos aliados foron evolucionando a través dunha serie de complicadas fusións corporativas e adquisicións dende principios dos anos 60 ata principios dos 2000. Durante este período, Warner Bros. Records pasou de ser un selo menor da industria a ser unha das principais discográficas do mundo.
No ano 2003 estes activos musicais foron despoxados do seu entón propietario, Time Warner, e mercados por un grupo de capital privado. Esta compañía independente operaba como o Warner Music Group (WMG), antes de ser mercada por Access Industries no ano 2011. WMG é a terceira máis grande dos catro principais conglomerados musicais do mundo. Warner Bros. Records aínda é un selo activo desta compañía. Os activos editoriais do grupo inclúen os dereitos de ao redor dun millón de cancións de máis de 65.000 compositores, facendo del o meirande editor de música do mundo.